Skíðasvæðið Bansko

Snævi þaktir tindar fjallsins Pirin gnæfa yfir bæinn sem hefur íbúarfjöldann 12.000.  Til forna byggðu íbúarnir hús sem minntu á virki, miklir steinar, háir gluggar og slúttandi þakskegg.  En á bak við steininn fannst hlýr varmi, marglitaðir sófar, heimaofin teppi, hillur með fallegum pottum og fínlegum útskornum viðarhlutum.
Þetta er nýjasti vetrardvalarstaðurinn, nýlega uppgötvaður af erlendum ferðamönnum.  Bansko býður upp á áhugavert sambland af óspilltri náttúru Pirin fjallanna og andrúmslofti búlgarsks smábæjar.   Skíðasvæði í Bansko er í suðvesturhluta Búlgaríu og liggur við rætur fjallsins Pirin.  Þetta svæði er verndaður þjóðgarður og er á heimslista the WORLD NATURAL HERITAGE.  Frá Sofiu eru 160 km til Bansko.  Bærinn er í 900 metra hæð yfir sjávarmáli.

Skíðasvæðið er frábært, fjallið Pirin er með sömu einkenni og fallegustu fjöllin í Ölpunum, þrír stórir tindar yfir 2900 m.  Fjallið býður upp á brekkur sem henta öllum skíðamönnum jafnt byrjendum sem kröfuhörðustu og vönustu skíðamönnum.   Brekkunum er vel haldið við og eru aðstæður alltaf eins og best verður á kosið.  Bærinn sjálfur laðar að sér ferðamenn sem vilja skoða 120 sögulegar minjar, söfn og skólann í Bansko sem sýnir málaða helgimuni.

Skíðabrekkurnar í Bansko eru samtals 25 km langar og er verið að stækka þær upp í 50 km.

Kirkjan í Bansko, Hin Heilaga Þrenning, er mög áhugaverð. Hún er með 30m háum klukkuturni, klukku, glæsilegum veggmálverkum og útskurðarmyndum úr viði. 
Umkringd fjöllunum Pirin, Rila og Rhodopa er Bansko ekta skíðastaður, stutt sumur og langir vetur.  Meðalhiti í janúar (kaldasti mánuður) er – 1,9 °C.  Mikill snór gerir svæðið að snævi þöktu vetrarlandi og snjórinn er oft 2m hár.  Skíðavertíðin hefst um miðjan desember og endar um miðjan apríl.

Á sumrin er líka ört fjölgandi ferðmannastraumur, bæði er boðið upp á skoðunarferðir, klifur, hestaferðir, göngur og kajakaferðir á stórum ám.