Ítalía – Við kynnum nýtt svæði á suður Ítalíu Calabria fyrir þeim sem áhuga hafa á að festa þar kaup á fasteign.   En Ítalía er einstök hvort heldur sem er fyrir landslag, matargerð, menningu eða bara tungumálið.

Og kynnum við þessar fasteignir á vefsíðu okkar fljótlega.   En áhugasamir geta einnig sent tölvupóst á 2heimili@dobro.is og óskað eftir nánari upplýsingum.

Calabria er táin á Suður Ítalíu.   Mikil náttúrufegurð og menning og stórkostlegar hreinar strendur.

Svæðið er fjöllótt með hin tignarlegu Pollino-fjöll í norðri, skógi vaxna Sila sléttuna um miðbikið og Serre og Aspromonte fjallgarðana í suðri og stórkostlega strandlengju með hreinustu baðströndum Evrópu.
 
Calabria hefur hingað til ekki notið mikillar athygli og þess vegna er fasteignaverð þar hagstætt, fjölbreytt menning, frábær Ítalskur matur og hundruð kílómetra af fallegri strandlengju og margar af bestu baðströndum Ítalíu.

Calabria bíður upp á úrval sjávarfangs enda örstutt á fengsæl fiskimið.   Og eru fjölmargir staðir sem bjóða upp á sjávarrétti.   Eins og Sverðfisk og Túnfisk.

Síðustu tvær aldir hefur verið mikill fólksflótti frá Calabria til Norður Ítalíu, Evrópu, Ástralíu, Argentínu, Brazilíu, Canada og USA.   Og er orðið vinsælt hjá afkomendum þessa fólks að koma aftur á heimaslóðir eða fá sér fasteignir.

Calabria bíður einnig upp á golfvelli, skíðasvæði, köfun, frábæra siglingaaðstöðu og einnig er hægt að stunda skotveiði.   Örstutt er að skreppa yfir sundið til Sikileyjar og einnig ganga ferjur til Möltu. Tíðar lestarferðir eru til Rómar.

Samgöngur eru góðar.   Flugvellir eru við Reggio di Calabria og Lamezia Terme en aðal alþjóðlegu flugvellirnir eru Palermo á Sikiley og Napoli.   Hraðbrautin A3 er aðal þjóðvegurinn til norðurs og tengist síðan A1 hraðbrautinni.

Calabria er mjór skagi sem nær þrjú hundruð kílómetra út í Miðjarðarhafið. Hann er fremst á „skónum“ milli Tyrrhenia hafsins í vestri og Jóníska hafsins og Taranto flóans í austri. Messinasund aðskilur hann frá Sikiley og þar sem sundið er mjóst milli Capo Peloro á Sikiley og Punta Pezzo í Calabriu er það aðeins 3,2 kílómetrar. Þó sjórinn sé alls staðar nálægur í Calabriu er héraðið samt þekkt sem fjallahérað.

Þrír fjallgarðar eru þar: Pollino, Sila og Aspromonte. Allir eru þeir sérstæðir og með sitt eigið plöntu og dýralíf.

Pollino fjöllin í norðri eru ógreiðfær og óslétt og afmarka Calabriu á eðlilegan hátt frá öðrum hlutum Ítalíu. Sumir hlutar fjallgarðsins eru skógi vaxnir en á öðrum svæðum er lítill gróður. Í fjöllunum vex Bosnian furuafbrigðið og er það meðal annars í þjóðgarðinum í Pollino.

La Sila er stór og fjöllótt háslétta um það bil 1.200 metra yfir sjávarmáli og liggur eftir miðjum endilöngum skaganum, 2.000 ferkílómetrar að stærð. Hæsta fjallið er Botte Donato sem er 1.928 metra hátt. Mikið er af fjallavötnum og þéttum barrskógum á svæðinu. Skaginn mjókkar í Savutodalnum sem byrjar á Sila sléttunni og nær allt til Saint Eufemiaflóa.

Voldugur Aspromonte fjallgarðurinn myndar syðsta hluta Ítalíuskagans og liggur sjór að honum á þrjá vegu. Þessi sérkennilegi fjallgarður rís hæst í fjallinu Montalto Uffugo sem er 1.995 metra hátt.

Ekki má gleyma að minnast á að mafían í Calabria heitir “ la’ndrangheta” og er hún óháð þeirri á Sikiley og á hún rætur margar aldir aftur í tímann enda þreifst hún vel í fátæktinni. Hún starfar enn í stærstu borgum og stjórnar fíkniefnaheiminum.   Og skiptir sér ekkert af venjulegum fasteignaeigendum.